தீரன் சின்னமலை பிறந்த தினம் முன்னாள் அமைச்சர் மலர் தூவி மரியாதை

சுதந்திர போராட்ட வீரர் தியாகி தீரன் சின்னமலையின் 268 வது பிறந்தநாளை முன்னிட்டு சேலம் மாவட்டம் சங்ககிரி அருகேயுள்ள ஈரோடு பிரிவு சாலை பகுதியிலுள்ள தீரன் சின்னமலை நினைவு மணி மண்டபத்தில் முன்னாள் அமைச்சரும், குமாரபாளையம் சட்டமன்ற உறுப்பினருமான தங்கமணி அவரது திருவுருவப்படத்திற்கு மாலை அணிவித்து மலர் தூவி மரியாதை செலுத்தினார்.

அப்போது சங்ககிரி சட்டமன்ற உறுப்பினர் சுந்தரராஜன், மாநில பொதுக்குழு உறுப்பினர் வெங்கடேஷ், சேலம் புறநகர் மாவட்ட ஓட்டுனர் அணி அமைப்பு செயலாளர் ஏ.பி. சிவகுமாரன், சங்ககிரி கிழக்கு ஒன்றிய செயலாளர் ரத்தினம், அம்மா பேரவை ஒன்றிய செயலாளர் கருப்புசாமி, சங்ககிரி நகரச் செயலாளர் செல்வம், முன்னாள் ஒன்றிய செயலாளர் ராஜா, சங்ககிரி ஒன்றிய குழு தலைவர் மகேஸ்வரி மருதாச்சலம் மற்றும் வார்டு உறுப்பினர்கள் உட்பட அதிமுக நிர்வாகிகள் பலரும் உடனிருந்தனர்.