நெல்லை அருகே பேன்சி ஸ்டோரில் திருட்டு: 3பேர் கைது

நெல்லை மாவட்டம் பருத்திப்பாடு பகுதியை சேர்ந்த செபஸ்டின் என்பவர் பேன்சி ஸ்டோர் நடத்துகிறார். இவரது கடையிலும் இவரது அண்ணன் கடையிலும் பூட்டை உடைத்து 30 ஆயிரம் ரூபாய் ரொக்கப்பணம் திருடப்பட்டது.

இது குறித்து மூலைகரைப்பட்டி போலீஸ் சப் இன்ஸ்பெக்டர் ஆறுமுகம் வழக்கு பதிந்து விசாரணை நடத்தி களக்காடு சந்திரகுமார், வெள்ளாங்குழி முத்துக்குமார், ராமானுஜம் புதூர் காளிமுத்து பாண்டி ஆகிய 3 பேரை நேற்று கைது செய்தார். மேலும் போலீசார் மூன்று பேரிடம் தொடர்ந்து விசாரணை நடத்தி வருகின்றனர்.