ஏடிஎம்மில் பணம் எடுக்க உதவுவது போல் நடித்து திருட்டு - வாலிபர் கைது

ராமநாதபுரம் மூலக்கொத்தளத்தை சேர்ந்த ஆண்டனிராயப்பன் மனைவி சரளா 41. இவர் ராமநாதபுரம் சாலைத் தெருவில் உள்ள ஸ்டேட் வங்கி ஏ.டி.எம்., மையத்தில் பணம் எடுக்க சென்றுள்ளார்.அங்கிருந்தவர் பணம் எடுத்துக்கொடுப்பதாக கார்டு மற்றும் பின் நம்பர் கேட்டு ரூ.1500 எடுத்து சரளாவிடம் கொடுத்துள்ளார். திருப்பி தரும் போது வேறு ஏ.டி.எம்., கார்டை கொடுத்துவிட்டு சரளா கொடுத்த கார்டு மூலம் ரூ.25 ஆயிரம் எடுத்துள்ளார். இது குறித்து சரளா அலைபேசிக்கு குறுஞ்செய்தி வந்ததால் ராமநாதபுரம் பஜார் போலீசில் புகார் அளித்தார்.போலீசார் ஏ.டி.எம்., கண்காணிப்பு கேமரா மூலம் ஆய்வு செய்து திண்டுக்கல் மாவட்டம் நத்தம் அருகே புகையிலைப் பட்டியை சேர்ந்த பன்னீர்செல்வம் 28, என்பவர் கைது செய்யப்பட்டார்.