ஸ்கூட்டர் மற்றும் வெள்ளி நகைகள் திருட்டு

திருவண்ணாமலை மாவட்டம் வந்தவாசி அடுத்த வெங்கோடு கிராமத்தைச் சேர்ந்தவர் செல்வகுமார் (வயது 50). விவசாயி. இவர் தனது ஸ்கூட்டரை வீட்டின் வெளியே நிறுத்திவிட்டு தூங்க சென்றுள்ளார். காலையில் எழுந்து பார்த்தபோது ஸ்கூட்டர் திருடப்பட்டு இருந்தது. வீட்டினுள் சென்று பார்த்தபோது பீரோவில் இருந்த ரூ.12, 500 மற்றும் வெள்ளி நகைகள் திருடு போயிருந்தது. இதுகுறித்து கீழ்கொடுங்காலூர் காவல் நிலையத்தில் அளித்த புகாரின் பேரில் போலீசார் வழக்குப்பதிவு செய்து மர்ம நபரை தேடி வருகின்றனர்.