குடோனில் தானியங்கள் திருட்டு: 3பேர் கைது!

குளத்தூர் போலீஸ் தரப்பில் கூறப்படுவதாவது: தூத்துக்குடி மாவட்டம், குளத்தூர் அருகேயுள்ள வீரபாண்டியபுரத்தில் சந்திரன் என்பவருக்கு சொந்தமான குடோனில் இருந்து 12 மூடை உளுந்து, 2 மூடை கம்பு, 5 மூடை சோளம் என ரூ.80ஆயிரம் மதிப்புள்ள பொருட்கள் திருடு போய்விட்டது. இது தொடர்பாக குளத்தூர் காவல் நிலையத்தில் சந்திரன் புகார் அளித்தார்.

புகாரின் பேரில் சப் இன்ஸ்பெக்டர் முத்துராஜ் வழக்குப் பதிந்து விசாரணை நடத்தியதில், அந்த குடோனில் வேலை பார்த்துவரும் முத்துக்குமார புரத்தைச் சேர்ந்த சோலை மகன் மாரியப்பன் (45), முருகன் மகன் வெள்ளத்துரை பெருமாள் (29), ராமலிங்கம் மகன் பெருமாள்சாமி (28) ஆகிய 3பேரும் திருடியது தெரியவந்தது. இதையடுத்து போலீசார் 3பேரையும் கைது செய்து திருடுவதற்கு பயன்படுத்திய லோடு வேனையும் பறிமுதல் செய்தனர்.