ஓய்வு தாசில்தார் வீட்டில் 19 பவுன் நகை திருட்டு!

புதுக்கோட்டை திருக்கோகர்ணம் பழனியப்பா நகரை சேர்ந்தவர் கிருஷ்ணமூர்த்தி. ஓய்வு பெற்ற தாசில்தார். இவர் சில நாட்களுக்கு முன்பு குடும்பத்தினருடன் சென்னைக்கு சென்றிருந்த நிலையில்,நேற்று முன்தினம் வீடு திரும்பினார். அப்போது, வீட்டின் பூட்டு உடைக்கப்பட்டு, உள்ளே இருந்த 19.5 பவுன் தங்க நகைகள், 85 ஆயிரம் ரொக்கம் ஆகியவை திருட்டு போயிருப்பது கண்டு அதிர்ச்சியடைந்தார். இதுகுறித்த புகாரின்பேரில் திருக்கோகர்ணம் போலீசார் வழக்குப்பதிந்து கண்காணிப்பு கேமராவில் பதிவான காட்சிகளை கொண்டு விசாரணை நடத்தி வருகின்றனர்.