வீட்டின் கதவை உடைத்து ஐந்து பவுன் நகை திருட்டு

கன்னியாகுமரி மாவட்டம், நாகர்கோவில் வடிவீஸ்வரம் பகுதியை சேர்ந்தவர் சிந்து .இவர் நேற்று முன் தினம் வடசேரி உள்ள தன் தாய் வீட்டிற்கு சென்றார். பின்னர் மதியம் வீட்டுக்கு வந்தபோது வீட்டின் முன்புற கதவில் பூட்டு உடைக்கப்பட்டு கதவு திறந்து கிடந்தது. அவர் உள்ளே சென்று பார்த்த போது வீட்டில் இருந்த பொருட்களாக அங்கு சிதறி கிடந்தன பீரோ உடைக்கப்பட்டு இருந்தது.

மேலும் பீரோவில் இருந்து ஐந்து பவுன் தங்க நகை, 10 ஆயிரம் ரூபாய் ஆகியவற்றை காணவில்லை. சிந்து வீட்டில் இல்லாததை நோட்டமிட்ட மர்ம நபர்கள் கதவை உடைத்து திருடி இருப்பது தெரிய வந்தது.

இது குறித்து கோட்டார் போலீசில் சிந்து புகார் அளித்தார். போலீசார் வழக்கு பதிவு செய்து விசாரணை நடத்தி வருகிறார்கள்.