சோளீஸ்வரர் கோவிலில் தேய்பிறை அஷ்டமி சிறப்பு வழிபாடு!

பொன்னமராவதி ஆவுடையநாயகி சமேத ராஜராஜ சோழீஸ்வரர் கோயிலில் தேய்பிறை அஷ்டமி நாளையொட்டி காலபைரவருக்கு சிறப்பு வழிபாடு நடைபெற்றது. தொடக்கமாக சிவாச்சாரியார்கள் வழி நடத்த மஹாருத்ர ஹோமம் நடைபெற்றது. தொடர்ந்து, காலபைரவருக்கு 16 வகையான அபிஷேகங்கள் செய்யப்பட்டு, வெள்ளி அங்கி மற்றும் வடை மாலை சாத்தப்பட்டு சிறப்பு வழிபாடு நடைபெற்றது.விழாவில் சுற்றுவட்டார பகுதிகளைச் சேர்ந்த திரளான பொதுமக்கள் பங்கேற்று வழிபட்டனர். ஏற்பாடுகளை தேய்பிறை அஷ்டமி வழிபாட்டுக் குழுவினர் செய்திருந்தனர். இதேபோல், பொன்னமராவதி அழகியநாச்சியம்மன் கோயிலில் நடைபெற்ற தேய்பிறை அஷ்டமி சிறப்பு வழிபாட்டில் திரளான பொதுமக்கள் பங்கேற்று வழிபட்டனர்.