சின்னம்மன் கோவிலில் தெப்ப விழா

திருப்போரூர் அடுத்த சிறுதாவூர் கிராமத்தில், பழமை வாய்ந்த சின்னம்மன் கோவில் உள்ளது. இக்கோவிலில், 16ம் ஆண்டு தெப்பம் விழா, நடந்தது. விழாவில், நேற்று மாலை 5: 00 மணிக்கு அம்மனுக்கு அபிஷேகம், அலங்காரம் நடைபெற்றது. இரவு 9: 00 மணிக்கு மேளதாளங்கள் ஒலிக்க, கோவில் அருகே உள்ள பெரியகுளத்தில், அலங்கரிக்கப்பட்ட தெப்பத்தில் அம்மன் எழுந்தருளி, மூன்று முறை வலம் வந்தார். தொடர்ந்து, அம்மன் வீதியுலா நடைபெற்றது. விழாவில், சுற்றுவட்டார கிராம மக்கள் ஏராளமானோர் பங்கேற்று வழிபட்டனர்.