தேய்பிறை அஷ்டமி: காலபைரவர்களுக்கு சிறப்பு பூஜை

சேலம் மாவட்டம், சங்ககிரியை அடுத்த பூத்தலாக்குட்டை பூத்தாழீஸ்வரர் கோவிலில் உள்ள காலபைரவர் சுவாமிக்கு தேய்பிறை அஷ்டமியையொட்டி சிறப்பு பூஜைகள் நடைபெற்றது. பூத்தாலகுட்டை, பூத்தாழிஸ்வரர் கோவில் வளாகத்தில் உள்ள காலபைவரருக்கு தேய்பிறை அஷ்டமியையொட்டி பால், தயிர், திருமஞ்சனம், சந்தனம், இளநீர், பன்னீர் உள்ளிட்ட பல்வேறு திவ்ய பொருள்களைக்கொண்டு சிறப்பு அபிஷேக, அலங்காரம் செய்யப்பட்டு பூஜைகள் நடைபெற்றது .இதில் ஏராளமான பக்தர்கள் கலந்து கொண்டு சுவாமியை வழிப்பட்டுச் சென்றனர்.

இதே போல் சங்ககிரி மலையடிவாரத்தில் உள்ள அருள்மிகு சோமேஸ்வரர் கோவில் வளாகத்தில் உள்ள அருள்மிகு காலபைரவர் உற்சவ மூர்த்தி சுவாமிக்கு தேய்பிறை அஷ்டமியையொட்டி சிறப்பு அபிஷேகங்கள்,அலங்காரம் செயய்ப்பட்டு சிறப்பு பூஜைகள் நடைபெற்றன. இரு கோவில்களிலும் ஏராளமான பக்தர்கள் கலந்து கொண்டு சுவாமிகளை வழிப்பட்டுச் சென்றனர்.