திருநல்லூர் ஸ்ரீ கல்யாண சுந்தரேஸ்வரர் கோயிலில் திருக்கல்யாண விழா.

தஞ்சாவூர் மாவட்டம், பாபநாசம் அருகே திரு நல்லூர் ஸ்ரீ கிரி சுந்தரி அம்மன் சமேத ஸ்ரீ கல்யாண சுந்தரேஸ்வரர் திருக்கோயிலில் திருக்கல்யாண விழா குருமகா சன்னிதானம் ஸ்ரீ ல ஸ்ரீ அம்பலவாண தேசிக பரமாச்சாரிய சுவாமிகள் அருளாணையின் வண்ணம் நடைபெற்றது. விழாவை யொட்டி சுவாமி,அம்மன் தனித்தனி பல்லாக்குகளில் சிறப்பு அலங்காரத்தில் மணமேடைக்கு எழுந்தருள,சிவாச்சாரியார்கள் ஆகம முறைப்படி மந்திரங்கள் ஓதி,சிறப்பு பூஜைகள் செய்து மாங்கல்ய தாரணம் எனும் திருக்கல்யாண வைபவத்தை நடத்தி வைத்தனர்.

இதில் திரளான பக்தர்கள் கலந்து கொண்டு திருக்கல்யாண வைபவத்தை கண்டு களித்து,சுவாமி,அம்மன் உள்ளிட்டோரை தரிசனம் செய்தனர்.விழாவில் கலந்து கொண்ட அனைவருக்கும் பிரசாதங்கள்,அறுசுவை உணவு வழங்கப்பட்டன.விழாவில் கோயில் கண்காணிப்பாளர் கார்த்திகேயன்,ஆய்வாளர் குணசேகரன் மற்றும் திருக்கோயில் அலுவலர்கள்,பணியாளர்கள்,ஆன்மிக ஆர்வலர்கள் உள்ளிட்டோர் கலந்து கொண்டனர்.இதற்கான ஏற்பாடுகளை சிதம்பரம் ஆடிட்டர் எ.பாலசுப்ரமணிய அய்யர் மற்றும் குடும்பத்தினர் செய்திருந்தனர்