குலசேகரநாத சுவாமி கோயிலில் திருவிளக்கு பூஜை

தென்காசி மாவட்டம் செங்கோட்டை அறம்வளா்த்தநாயகி உடனுறை குலசேகரநாத சுவாமி கோயிலில், கன்னியாகுமரி சுவாமி விவேகானந்தா கேந்திரம் கிராம முன்னேற்ற திட்டம் சாா்பில் இயற்கை வளம் செழிக்க வேண்டி திருவிளக்கு வழிபாடு மற்றும் மாதா் மாநாடு நடைபெற்றது.

மகாத்மா காந்தி சேவா நிறுவனத் தலைவா் விவேகானந்தன் தலைமை வகித்தாா். திருவிளக்கு பூஜை கமிட்டி பொறுப்பாளா் பிபிஎம்.மாடசாமி, மதேஷ் படேல், மோகன்லால்ஜி படேல், பொறியாளா் ராமகிருஷ்ணன், முன்னாள் ராணுவ வீரா் நடராஜன், முத்துமாரி ஆகியோா் முன்னிலை வகித்தனா். தெய்வானை இறைவணக்கம் பாடினாா்.

சமய வகுப்பு மாணவிகளின் கலை நிகழ்ச்சி நடைபெற்றது. விவேகானந்தா கேந்திர அகில பாரத துணைத் தலைவா்அனுமந்தராவ், விவேகானந்தா கேந்திர கிராம முன்னேற்ற திட்ட செயலா் ஐயப்பன் ஆகியோா் ஆசியுரை வழங்கினா். செண்பகவல்லி மாடசாமி, ரமீலா மோகன்படேல், முத்துமாரி லெட்சுமணன், மணிபென் மாதவ்ஜி ஆகியோா் குத்துவிளக்கேற்றி திருவிளக்கு வழிபாட்டை தொடங்கி வைத்தனா். கேந்திர சகோதரிகள் சரஸ்வதி, சந்திரா ஆகியோா் திருவிளக்கு பூஜையை நடத்தினா். இதில் செங்கோட்டை மற்றும் சுற்றுவட்டார கிராமங்களை சோ்ந்த பெண்கள் கலந்து கொண்டனா்.

முன்னதாக அறம்வளா்த்தநாயகி உடனுறை குலசேகரநாத சுவாமி மற்றும் பரிவார தேவதைகளுக்கு சிறப்பு அபிஷேகம், அலங்காரம், தீபாராதனை நடைபெற்றது. மாவட்ட பொறுப்பாளா் கருப்பசாமி வரவேற்றாா். கேந்திர தொண்டா் கண்ணன் நன்றி கூறினாா்.