மெய் கண்ணுடையாள் கோயிலில் திருவிளக்கு பூஜை

விராலிமலை அம்மன் கோயிலின் 34 ஆம் ஆண்டு திருவிளக்கு பூஜை கடந்த 19ஆம் தேதி தொடங்கி நடைபெற்று வருகிறது. முன்னதாக அம்மனுக்கு பால் பலம் சந்தனம் இளநீர் பன்னீர் உள்ளிட்ட பல்வேறு திரவியங்களால் சிறப்பு அபிஷேகம் செய்யப்பட்டு மகாதீப ஆராதனை காண்பிக்கப்பட்டது. தொடர்ந்து மங்கல இசை இசைக்கப்பட்டு பக்தி பாடல்கள் பாடி ஆயிரக்கணக்கான பெண்கள் தங்கள் கொண்டு வந்த குத்து விளக்கு ஏற்றி வைத்து விளக்கு பூஜை நடத்தி வழிபட்டனர். விராலிமலை மெய் கண்ணுடையாள் அம்மன் கோயிலில் கடந்த 19ஆம் தேதி முதல் விளக்கு பூஜைகள் நடைபெற்று வருகின்றன. நான்காவது விளக்கு பூஜை வரும் 29ஆம் தேதி நடைபெறுகிறது. விழா ஏற்பாடுகளை சுந்தரம் சுவாமிகள் தலைமையில் ஐயப்பா சேவா சங்கத்தினர் செய்திருந்தனர்.