தூத்துக்குடி : இரும்பு கடையில் திருட்டு!

தூத்துக்குடி முள்ளக்காடு ராஜீவ் நகரைச் சேர்ந்தவர் சுடலைமணி மகன் வேல்ராஜ் (45). இவர் எம் சவேரியார் புரத்தில் பழைய இரும்பு வியாபாரம் செய்து வருகிறார். நேற்று இரவு 9 மணிக்கு கடையை பூட்டிவிட்டு சென்றவர் இன்று காலை 10 மணிக்கு கடையை திறக்க வந்த போது கடையில் ஷட்டரில் பூட்டுக்கள் உடைக்கப்பட்டு கிடந்ததை கண்டு அதிர்ச்சி அடைந்தார். பின்னர் உள்ளே சென்று பார்த்தபோது கடையில் இருந்த 20 கிலோ செம்பு, 10 கிலோ பித்தளை பொருட்கள் திருடு போயிருந்தது. இதன் மதிப்பு ரூபாய் 25 ஆயிரம் ஆகும். இந்த சம்பவம் குறித்து முத்தையாபுரம் காவல் நிலையத்தில் அவர் அளித்த புகாரின் பேரில் இன்ஸ்பெக்டர் செந்தில் வேல்குமார் மற்றும் போலீசார் சம்பவ இடத்துக்கு சென்று விசாரணை நடத்தினர். மேலும் சம்பவம் குறித்து வழக்குப் பதிந்து மர்ம ஆசாமிகளை தேடி வருகிறார்