சாலை மறியலில் ஈடுபட்டவர்கள் கைது

போக்குவரத்துத் தொழிலாளா்களின் வேலைநிறுத்தப் போராட்டத்துக்கு ஆதரவு தெரிவித்து மறியல் போராட்டத்தில் ஈடுபட்ட சிஐடியூ தொழிற்சங்கத்தைச் சேர்ந்த 85 பேரை போலீஸாா் புதன்கிழமை கைது செய்தனா்.

15வது ஊதிய ஒப்பந்தத்தை அமல்படுத்துதல் உள்ளிட்ட 6 அம்சக் கோரிக்கைகளை வலியுறுத்தி, அரசுப் போக்குவரத்துக் கழகத் தொழிலாளா்கள் சாா்பில் வேலைநிறுத்தப் போராட்டம் செவ்வாய்க்கிழமை தொடங்கியது. திண்டுக்கல் பேருந்து நிலையத்தில் மறியல் போராட்டம் புதன்கிழமை நடைபெற்றது. இதையடுத்து போராட்டத்தில் ஈடுபட்ட சிஐடியு தொழிற்சங்கத்தினா் 85 பேரை போலீஸாா் கைது செய்தனா்.