ஸ்ரீவில்லிபுத்தூர் அருகே கஞ்சா விற்பனையில் ஈடுபட்ட மூன்று பேர் கைது...*

விருதுநகர் மாவட்டம் ஸ்ரீவில்லிபுத்தூர் அருகே கஞ்சா விற்பனையில் ஈடுபட்ட வட மாநிலத்தைச் சேர்ந்த மூன்று பேர் கைது.,இரண்டு கிலோ கஞ்சா பறிமுதல் விருதுநகர் மாவட்டம் ஸ்ரீவில்லிபுத்தூர் அருகே நாச்சியார்பட்டி பகுதியில் இயங்கி வரும் தனியார் ஸ்பின்னிங் மில்லில் வேலை பார்க்கும் வெளி மாநிலத்தவர்கள் கஞ்சா விற்பனையில் ஈடுபடுவதாக காவல்துறையினருக்கு ரகசிய தகவல் கிடைத்தது. காவல்துறையினர் அப்பகுதியில் தொடர்ந்து ரோந்து பணியில் ஈடுபட்டு வந்தனர்.மேலும் சீருடை அணியாத காவல்துறையினர் கண்காணித்தும் வந்த நிலையில் தனியார் மில்லில் கடந்த இரண்டு வருடங்களாக வேலை செய்து வரும் வட மாநிலம் ஒடிசாவை சேர்ந்த அஜித்போய் (38) குணாநைக் (22) அஜித்நைக் (23) மூவரும் கஞ்சா விற்பனையில் ஈடுபட்டுள்ளனர். அவர்களைப் பிடித்து விசாரணை செய்ததில் ஒடிசா மாநிலத்தில் இருந்து கஞ்சா கொண்டுவரப்பட்டது தெரிய வந்தது.பின்னர் பதுக்கி வைத்திருந்த 2 கிலோ கஞ்சாவை அவர்களிடமிருந்து பறிமுதல் செய்த காவல்துறையினர் மூவரையும் கைது செய்தும் வழக்கு பதிவு செய்தும் ஸ்ரீவில்லிபுத்தூர் நீதிமன்றத்தில் ஆஜர்படுத்தி சிறையில் அடைத்தனர்.