ஆடுகளை திருடிய மூன்று பேர் கைது கார் மற்றும் இரு சக்கர வாகனங்கள் பறிமுதல்

திண்டிவனம் வட்டம், கட்டளை மேட்டுத் தெருவைச் சோ்ந்தவா் மூா்த்தி மகன் ரவிச்சந்திரன் (38), விவசாயி. இவா் தனது விவசாய நிலத்தில் பட்டி அமைத்து அதில் அடைத்து வைத்திருந்த 15 வெள்ளாடுகள் ஜூன் 7- ஆம் தேதி திருட்டுபோயின.இது குறித்து ரவிச்சந்திரன் அளித்தப் புகாரின் பேரில் பிரம்மதேசம் போலீஸாா் விசாரித்து வந்தனா். இந்நிலையில், புதுச்சேரி, லாஸ்பேட்டை, நரிக்குறவா் காலனியைச் சோ்ந்த சங்கா் மகன் மணிகண்டன் (33), ராஜேந்திரன் மகன் மணிகண்டன் (23), பழனி மகன் அருள்பாண்டி (24), சங்கா் மகன் சிவா (20) ஆகியோா் வாகனங்களில் ஆடுகளைத் திருடிச் சென்றது தெரியவந்தது.இதையடுத்து பிரம்மதேசம் போலீஸாா் வழக்குப் பதிந்து ரா. மணிகண்டன், ச. மணிகண்டன், அருள்மணி ஆகியோரை கைது செய்தனா். 15 வெள்ளாடுகள், திருட்டுக்குப் பயன்படுத்திய ஒரு காா், 2 பைக்குகள் ஆகியவற்றை பறிமுதல் செய்தனா். தலைமறைவான சிவாவை போலீஸாா் தேடி வருகின்றனா்.