கிணற்று மோட்டாரை திருடிய மூவர் கைது!

நாமக்கல் மாவட்டம் பள்ளிபாளையம் அக்ரகாரம் பகுதியைச் சேர்ந்தவர் சுரேஷ் வயது-34 இவரது வீட்டின் அருகே ஆனந்த் என்பவருக்கு சொந்தமான கிணறு உள்ளது. இந்நிலையில் இரவு நேரத்தில் பத்தாயிரம் ரூபாய் மதிப்புள்ள கிணற்று மோட்டரை மூவர் திருடி செல்ல முயன்றனர். இதனை அடுத்து அக்கம் பக்கத்தில் உள்ளவர்கள் அவர்களை கையும் களவுமாக பிடித்து, பள்ளிபாளையம் காவல்துறையில் ஒப்படைத்தனர்.

போலீசார் விசாரணையில் மோட்டாரை திருட முயன்ற, பள்ளிபாளையம் ஒட்டமெத்தை பகுதியை சேர்ந்த சந்தோஷ் குமார் 23, அக்ரஹாரம் பகுதியை சேர்ந்த மணிகண்டன் 20, ஜீவானந்தம் 23 ஆகிய மூவரை, பள்ளிபாளையம் போலீசார் கைது செய்து, அவர்களிடமிருந்து கிணற்று மின் மோட்டாரை பறிமுதல் செய்தனர்.