ஆத்தூர் : கொத்தாம்பாடியில் அடுத்தடுத்து மூன்று கார்கள் மோதி விபத்து !

சேலம் மாவட்டம் ஆத்தூர் அருகே கொத்தம்பாடி சேலம் சென்னை தேசிய நெடுஞ்சாலையில் நெடுஞ்சாலைத்துறை பணியாளர்கள் சாலைப்பகுதியில் உள்ள மண்களை சரி செய்யும் பணியில் ஈடுபட்டிருந்தபோது சென்னையில் இருந்து சேலம் நோக்கி சென்று கொண்டிருந்த கார் வேகத்தை கட்டுப்படுத்தி விபத்து ஏற்படாத வாறு மெதுவாக சென்ற போது பின் தொடர்ந்து வந்த சொகுசு கார் ஒன்று அதிவேகத்தில் வந்ததால் வேகத்தை கட்டுப்படுத்த முடியாமல் முன்னால் சென்ற கார் மீது மோதியது அதன்பின் தொடர்ந்து வந்த காரும் மோதி விபத்துக்குள்ளானது தொடர்ந்து மூன்று கார்களும் அடுத்தடுத்து மோதி விபத்துக்குள்ளானதில் சிறிய காயங்களுடன் காரில் பயணம் செய்தவர்கள் அதிர்ஷ்டவசமாக உயிர் தப்பினர்கள். மேலும் பின்னால் மற்ற வாகனங்கள் ஏதும் வராததால் பெரும் விபத்து தவிர்க்கப்பட்டது. விபத்து குறித்து தகவல் அறிந்து வந்த ஆத்தூர் ஊரக போலீசார் விசாரணை மேற்கொண்டு வருகின்றனர்.