குட்கா கடத்திய மூன்று பேர் கைது

பெரம்பலூர் மாவட்டத்தில் போதைப்பொருட்கள் விற்பனை செய்யப்படுகிறதா என்று பல்வேறு கடைகளில் தனிப்படை போலீசார் சோதனை மேற்கொண்டனர். அப்போது வேப்பந்தட்டை தாலுகா வி. களத்தூர் பகுதியில் இருசக்கர வாகனத்தில் குட்கா பொருட்கள் கடத்தப்படுவதாக கிடைத்த ரகசிய தகவலின் படி தனிப்படை போலீசார் அங்கு வாகன சோதனை ஈடுபட்டனர்.

அப்போது இருசக்கர வாகனத்தில் குட்கா கடத்தி வந்த வி. களத்தூர் பாலக்கரை தெருவை சேர்ந்த கிருஷ்ணமூர்த்தி மகன் கண்ணதாசன் வயது 30 பெரம்பலூர் வெங்கடேசபுரத்தை சேர்ந்த செந்திலின் மகன் யோகேஸ்வரன் வயது 30 வி.களத்துரை சேர்ந்த பாலச்சந்திரன் வயது 40 ஆகிய மூன்று பேரை போலீசார் கைது செய்து வி.களத்தூர் காவல் நிலையத்தில் ஒப்படைத்தனர்.

இது தொடர்பாக போலீசார் வழக்கு பதிவு செய்து அவர்களை சிறையில் அடைத்தனர் அவர்களிடமிருந்து 9 கிலோ குட்கா மற்றும் கடத்தலுக்கு பயன்படுத்திய இருசக்கர வாகனம் பறிமுதல் செய்யப்பட்டது.