காணாமல் போன மூன்று சிறுவர்கள் மீட்பு

காஞ்சிபுரம் மாவட்டம் ஸ்ரீபெரும்புதூர் அருகே செரப்பணஞ்சேரி பகுதியில் அரசு நடுநிலை பள்ளி செயல்படுகிறது. இங்கு ஆறாம் வகுப்பு பயின்று வந்த நிரஞ்சன் (12), சல்மான் அலி(12) ஸ்டீபன்(12) ஆகிய மூன்று சிறுவர்களும் வழக்கம் போல இன்று பள்ளிக்கு சென்றுள்ளனர். மதிய உணவு இடைவெளியில் உணவருந்திய பிறகு மூன்று சிறுவர்களும் பள்ளியில் இருந்து வெளியேறிய சென்றுள்ளனர். நேற்று இரவு முழுவதும் வீடு திரும்பவில்லை. பெற்றோர்கள் பல இடங்களில் தேடியும் பிள்ளைகள் கிடைக்காததால் இது குறித்து மணிமங்கலம் காவல் நிலையத்துக்கு தகவல் கொடுத்துள்ளனர் .

அதன் அடிப்படையில் போலீசார் அரசு பள்ளி ஆசிரியர் ரேவதி இடம் விசாரணை நடத்தி சிறுவர்களை தேடி வந்தனர். போலீசார் விசாரணையில் தாம்பரம் ரயில் நிலையத்திலிருந்து சென்ட்ரல் ரயில் நிலையம் சென்று அங்கிருந்து ஆந்திரா சென்று இருப்பது முதல் கட்டத்தில் கண்டறியப்பட்டது. இதையடுத்து சிசிடிவி காட்சிகளை ஆய்வு செய்து பின் தொடர்ந்து சென்ற போலீசார் ஆந்திர மாநிலம் நெல்லூர் அருகே சிறுவர்களை பத்திரமாக மீட்டனர்.பின்னர் மூவரையும் இன்று காவல் நிலையம் அழைத்து வந்து பெற்றோர்களிடம் ஒப்படைக்க உள்ளனர்.