ஆட்டோவில் பேட்டரி திருடிய மூன்று பேர் கைது

குலசேகரம்அருகே உள்ள அரமன்னம் செறுப்பாலூர் பகுதியைச் சேர்ந்தவர் ஜோஸ். இவர் சொந்தமாக லோடு ஆட்டோ வைத்து ஓட்டி வந்தார். சம்பவத்தன்று இரவு வழக்கம்போல் தனது ஆட்டோவை வீட்டிற்கு வெளியே நிறுத்தி இருந்தார். இந்நிலையில் அதிகாலை 3 மணியளவில் அவரது வீட்டிற்கு வெளியே நாய்கள் குரைக்கும் சத்தம் கேட்டது.இதனால் தூங்கி கொண்டி ருந்த ஜோஸ் வீட்டை விட்டு வெளியே வந்து பார்த்தார். அப்போது அவரது ஆட்டோவில் 3 பேர் பேட்டரியை திருடிக் கொண்டிருந்தனர். அப்போது தப்பி ஓட முயன்ற இருவரையும் பொதுமக்கள் உதவியுடன் ஜோஸ் சுற்றி வளைத்து பிடித்தார்.அவர்களை குலசேகரம் போலீஸ் நிலையத்தில் ஒப்படைத்தனர். போலீசார் 3 பேரையும் கைது செய்து விசாரணை நடத்தினர்.அப்போது அவர்கள் குலசேகரம் மாமூடு பகுதியைச் சேர்ந்த சகோதரர்களாக லிபின்ராஜ்,ஸ்டாலின் ராஜ் புதுக்கடையைச் சேர்ந்த தம்பிராஜ் என்பது தெரிய வந்தது. நண்பர்களான இவர்கள் 3 பேரும் சேர்ந்து பல இடங்களில் இதுபோன்ற சிறிய திருட்டுகளில் ஈடுபட்டு வந்தது விசாரணையில் தெரிய வந்தது இதை எடுத்து மூன்று பேரும் கைது செய்யப்பட்டு சிறையில் அடைக்கப்பட்டனர்.