பாறையை உடைத்து கடத்தியதாக மூன்று பேர் கைது - வாகனங்கள் பறிமுதல்

கன்னியாகுமரி மாவட்டம் குழித்துறை அருகே உள்ள ஈத்தவிளையில் தனியாருக்கு சொந்தமான இடத்தில் அனுமதி இன்றி பாறைகளை உடைத்து கடத்துவதாக போலீசாருக்கு ரகசிய தகவல் கிடைத்தது. இதையடுத்து தனிப்படை சப் - இன்ஸ்பெக்டர் பென்சாம் தலைமையிலான போலீசார் அந்தப் பகுதியில் சென்று விசாரித்தனர். அப்போது மருதன்கோடு பகுதியை சேர்ந்த சத்தியதாஸ் (55), மடிச்சல் பகுதி சேர்ந்த ஜஸ்டின் (35) கடலூர் மாவட்டத்தை சேர்ந்த ஜெயசீலன் (47) ஆகியோர் இயந்திரங்கள் மூலம் பாறைகளை உடைத்து கடத்துவது கண்டுபிடிக்கப்பட்டது. அவர்கள் மூன்று பேரையும் போலீசார் கைது செய்து, பாறையை உடைக்க பயன்படுத்திய இயந்திரமம் மற்றும் டெம்போவை பறிமுதல் செய்தனர்.