சாராயம் வைத்திருந்த மூன்று பேர் கைது

விழுப்புரம் மாவட்டம்,கிளியனுார் அடுத்த வி.கேணிப்பட்டு பகுதியில் கிளியனுார் சப் இன்ஸ்பெக்டர் மனோகரன் தலைமையில் போலீசார் சோதனை நடத்தினர். அப்போது, அதே கிராமத்தைச் சேர்ந்த ஆறுமுகம், 52; என்பவர் புதுச்சேரி மாநில சாராயம் 5 லிட்டர் வைத்திருந்தது தெரிய வந்தது. உடன், போலீசார் அவரை கைது செய்தனர்.இதே போன்று தேற்குணம் கிராமத்தில் சப் இன்ஸ்பெக்டர் பாலமுருகன் நடத்திய சோதனையில், அதே பகுதியைச் சேர்ந்த சிவகுமார், 45; சரவணன், 31; ஆகிய இருவரும் தலா, 5 லிட்டர் புதுச்சேரி சாராயம் பதுக்கி வைத்திருந்தது தெரியவந்தது.இதையடுத்து போலீசார் அவர்கள் இருவரையும் கைது செய்து, சாராயத்தை பறிமுதல் செய்தனர்.