கஞ்சா விற்ற மூன்று வாலிபர்கள் கைது

சங்கராபுரம் அடுத்த தேவபாண்டலம் கிராமத்தில் சப் இன்ஸ்பெக்டர் சத்தியசீலன் மற்றும் போலீசார் ரோந்து சென்றனர். அப்போது அங்குள்ள மாணவர் விடுதி அருகே நின்று கொண்டிருந்த 3 வாலிபர்களை பிடித்து விசாரித்தனர்.

அதில், அவர்கள் மாணவர்களிடம் கஞ்சா விற்பதற்காக அங்கு நின்றிருப்பது தெரியவந்தது. அதனைத் தொடர்ந்து, தேவபாண்டலம் சக்திவேல் மகன் பரதன், 20; முருகன் மகன் சரவணன், 20; மைலம்பாறை சக்திவேல் மகன் பாரதி, 24; ஆகியோரை கைது செய்து அவர்களிடமிருந்து 50 கிராம் கஞ்சாவை பறிமுதல் செய்தனர்.