தியாகராஜ பாகவதர் பிறந்த நாள் விழா நாமக்கல்லில் மலர் தூவி மரியாதை

M.K.தியாகராஜ பாகவதரின் 114வது பிறந்தநாள் விழாவை கொண்டாடிய நாமக்கல் பாகவதர் நற்பணி மன்றத்தினர். தமிழ் சினிமாத்துறையின் முதல் சூப்பர் ஸ்டார், பழம் பெரும் நடிகர் தியாகராஜ பாகவதரின் 114வது பிறந்தநாள், நாமக்கல் அண்ணாசிலை அருகில் நடைபெற்றது. இதையொட்டி, அவரது நற்பணி மன்ற தலைவர் கோட்டை மணிவண்ணன், தியாகராஜ பாகவதரின் படத்திற்கு மலர்தூவி மரியாதை செலுத்தினார்.

தியாகராஜ பாகவதரின் புகழை பரப்பும் வகையில் அவரது பாடல்கள் பாடப்பட்டன. தொடர்ந்து பொதுமக்களுக்கு இனிப்பு வழங்கினார். திருச்சியில் நேற்று முன்தினம் தியாகராஜ பாகவதருக்கு மணிமண்டபம் மற்றும் முழு உருவ வெண்கல சிலையை காணொலி காட்சி மூலமாக திறந்து வைத்த தமிழக முதல்வர் அவர்களுக்கு இத்தருணத்தில் எங்களது மன்றத்தின் சார்பில் நன்றியை தெரிவித்துக் கொள்கின்றோம்.

நிகழ்ச்சியில் நாகராஜன், பரமநாதன், ரவிச்சந்திரன், நடராஜன், சபரிநாதன், நகர் மன்ற துணைத் தலைவர் பூபதி, கவுன்சிலர் டிடி சரவணன், ராஜகோபால், மருதமுத்து, வழக்கறிஞர் மோகன்ராஜ், மனோகரன், பாரி மற்றும் மன்ற நிர்வாகிகள் குணசேகரன், கோவிந்தராஜு, குணா, தமிழ்செல்வன், துரைவேல், ஜேசிஐ ரமணி மற்றும் பலர் கலந்து கொண்டனர்