பெரம்பலூர் சிவன் கோவிலில் திருஞானசம்பந்தர் குருபூஜை

பெரம்பலூர் ஸ்ரீ அகிலாண்டேஸ்வரி சமேத ஸ்ரீ பிரம்மபுரீஸ்வரர் திருக்கோவிலில் நாயன்மார்கள் மண்டபத்தில் எழுந்தருளி அருள் பாலித்து வரும் திருஞானசம்பந்தர் குருபூஜை விழா நேற்று நடைபெற்றது. பால், தயிர், சந்தனம், வாசனை திரவியங்கள் சிறப்பு அபிஷேகம் உடன் முடித்து மங்கள வாத்தியம் முழங்க மகா தீபாரதனை காண்பித்து பக்தர்களுக்கு பிரசாதம் வழங்கப்பட்டது. பூஜைகளை கௌரிசங்க சிவாச்சாரியார் செய்து வைத்தார். நிகழ்வில் ராஜமாணிக்கம், முன்னாள் அறங்காவலர் வைத்தீஸ்வரன், மணி வார வழிபாட்டு குழுவினர் மற்றும் திரளான சிவனடியார்கள் கலந்து கொண்டு வழிபட்டனர். இதற்கான ஏற்பாடுகளை பெரம்பலூர் தர்ம பரிபாலன சங்கத்தினர் செய்திருந்தனர்.