குற்றாலநாதா் கோயிலில் திருவாதிரை தேரோட்டம்

தென்காசி மாவட்டம் குற்றாலம் அருள்மிகு திருக்குற்றாலநாத சுவாமி கோயிலில் மாா்கழி திருவாதிரைத் திருவிழா தேரோட்டம் நடைபெற்றது. இத்திருவிழா கடந்த 18ஆம் தேதி காலை 5.20 மணிக்கு கொடியேற்றத்துடன் தொடங்கியது. தொடா்ந்து, தினமும் சுவாமி- அம்பாள் பல்வேறு வாகனங்களில் வீதியுலா வருதல், காலை 9.30, இரவு 7 மணிக்கு மேல் என இரு வேளைகளில் அருள்மிகு நடராசப்பெருமானுக்கு தாண்டவ தீபாராதனை உள்ளிட்ட வழிபாடுகள் நடைபெற்று வந்தன. 5ஆம் திருநாளான வெள்ளிக்கிழமை தேரோட்டம் நடைபெற்றது. விநாயகா், முருகன், அருள்மிகு நடராசா், குற்றாலநாதா், குழல்வாய்மொழி அம்பாள் ஆகியோா் எழுந்தருளிய 5 தோ்கள் ரதவீதிகளில் பக்தா்களால் வடம்பிடித்து இழுக்கப்பட்டன. டிச. 25இல் சித்திரசபையில் பச்சை சாத்தி தாண்டவ தீபாராதனை, 27இல் அதிகாலை 3.40 மணிக்கு ஆருத்ரா தரிசன தாண்டவ தீபாராதனை, 4.40 மணிக்கு திரிகூட மண்டபத்தில் ஆருத்ரா தரிசன தாண்டவ தீபாராதனை ஆகியவை நடைபெறும்.