புகையிலை பொருட்கள் விற்றவர் கைது - 16 கிலோ குட்கா பறிமுதல்

நாமக்கல் மாவட்டம் குமாரபாளையத்தில் புகையிலைப்போருட்கள் விற்பதாக தகவல் கிடைத்து, இன்ஸ்பெக்டர் தலைமையிலான போலீசார் ரோந்து பணி மேற்கொண்டனர். அதில் எம்.ஜி.ஆர்.நகர் பகுதியில் ஒரு நபர் விற்பது தெரியவந்தது. அவரை கையும் களவுமாக பிடித்த போலீசார் கைது செய்து, அவரிடமிருந்து 16 கிலோ குட்கா பொருட்களை பறிமுதல் செய்தனர். விசாரணையில் அவர் அதே பகுதியை சேர்ந்த இஸ்மாயில், 45, என்பது தெரியவந்தது. இது குறித்து வழக்குப்பதிவு செய்து, இஸ்மாயிலை நீதிமன்ற காவலுக்கு அனுப்பி வைத்தனர்.