தொப்பூரில் ஐந்து கடைகளில் பூட்டை உடைத்து நகை பணம் கொள்ளை

தர்மபுரி மாவட்டம் தொப்பூரில் ஜவுளிக் கடையில் புடவைகள், ஆட்டோ மொபைல்ஸ் கடையில் ஆயில், ரூ.5 ஆயிரம், கணினி மையத்தில் ரூ.50 ஆயிரம் மதிப்புள்ள கேமரா உள்ளிட்டவற்றை மர்மகும்பல் திருடி சென்றது. மற்ற கடையில் பணம் இல்லாததால் பூட்டை உடைத்து விட்டு அப்படியே போட்டு விட்டு சென்றுள்ளனர். இதேபோல் தொப்பூரில் இருந்து பொம்மிடி செல்லும் சாலையில் சேலம் மாவட்டம் ,காடையாம்பட்டியை சேர்ந்த தமிழ்தென்றல் என்பவர் நடத்தி வந்த நகைக்கடையில் பூட்டை உடைத்து 15 கிராம் தங்க நகைகள், 250 கிராம் வெள்ளி பொருட்களை மர்மநபர்கள் திருடி சென்றுள்ளனர். தகவல் அறிந்த தொப்பூர் போலீசார் தடயவியல் நிபுணர்களை வரவழைத்து திருட்டு போன கடைகளில் மர்மகும்பலின் கைரேகைகளை பதிவு செய்தனர். அங்குள்ள கண்காணிப்பு கேமரா பதிவு ஆதாரங்களை கொண்டு 5 கடைகளில் கைவரிசை காட்டியவர்களை தொப்பூர் காவல்துறையினர் தேடி வருகின்றனர். ஒரே இரவில் 5 கடைகளில் மர்மநபர்கள் நோட்டமிட்டு பூட்டை உடைத்து மர்மநபர்கள் கொள்ளையடித்த சம்பவம் அந்த பகுதியில் பரபரப்பை ஏற்படுத்தி உள்ளது.