வியாபாரிகள் போராட்டம் பிசுபிசுப்பு

திண்டுக்கல் மாவட்டம் பழனி அடிவாரம் வர்த்தகர்கள் கடையடைப்பு போராட்டம் அறிவிப்பு பிசுபிசுத்தது. பழனி அடிவாரம் பகுதியில் வர்த்தகர் சங்கம் சார்பில் இன்று ஒருநாள் கடையடைப்பு என்று தெரிவித்திருந்தனர். இந்நிலையில் சன்னதி வீதியில் மட்டும் கடைகள் அடைக்கப்பட்டுள்ளன. மற்றபடி அடிவாரம் கிரிவீதி உள்ளிட்ட பகுதிகளில் அனைத்து கடைகளும் சாலையோர வியாபாரிகளும் வழக்கம்போல வியாபாரம் செய்து வருகின்றனர். அடிவாரம் வர்த்தகர் சங்கத்தின் போராட்டத்திற்கு ஆதரவு என தெரிவித்த வணிகர் சங்க நிர்வாகிகளின் கடைகளும்‌ திறந்து வைக்கப்பட்டுள்ளது குறிப்பிடத்தக்கது.