விபத்தால் போக்குவரத்து பாதிப்பு!

திருவண்ணாமலை அவலூர்பேட்டை சாலை ரிங் ரோடு சந்திப்பு அருகில் வேலூர் நோக்கி சென்ற லாரியும், திருக்கோவிலூர் நோக்கி வந்த காரும் நேருக்கு நேர் மோதி விபத்து ஏற்பட்டது. இதனைத் தொடர்ந்து அவ்வழியாக வந்த தனியார் பள்ளி பேருந்து, விபத்தில் சிக்கிய லாரி மீது மோதியது. இதில் பேருந்து ஓட்டுனருக்கு காயம் ஏற்பட்டது. அவரை அக்கம்பக்கத்தினர் மீட்டு திருவண்ணாமலை அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர் . இந்த விபத்தினால் அப்பகுதியில் போக்குவரத்து பாதிப்பு ஏற்பட்டது.