கவுண்டம்பாளையம் கிராமத்தில் விவசாயிகளுக்கு பயிற்சி முகாம்.

எலச்சிபாளையம் வட்டாரம், 67 கவுண்டம்பாளையம் கிராமத்தில், வேளாண்மை துறையின் சார்பில், அட்மா திட்டத்தின் கீழ், வேளாண்மை விற்பனை மற்றும் வணிகத் துறையின் உட்கட்டமைப்புகள் மற்றும் பயன்பாடுகள் என்ற தலைப்பின்கீழ், 40 விவசாயிகளுக்கு பயிற்சி அளிக்கப்பட்டது. இப்பயிற்சியில், வேளாண்மை உதவி இயக்குனர் ஜெயமாலா தலைமை வகித்து, வேளாண்மைதுறை சார்ந்த மத்திய, மாநில திட்டங்கள், நுண்ணீர் பாசனம், விதைப்பண்ணை முறைகள், பசுமை இயக்கம், மரக்கன்றுகள் திட்டம் பற்றி கூறி, விவசாயிகளின் சந்தேகங்களுக்கு விளக்கம் அளித்தார். வேளாண் விற்பனை மற்றும் வேளாண் வணிகம் அலுவலர் கலைச்செல்வி கலந்துகொண்டு, வேளாண்மை விற்பனை மற்றும் வணிகத் துறையின் உட்கட்டமைப்புகள் மற்றும் பயன்பாடுகள் குறித்து விரிவாக விவசாயிகளுக்கு விளக்கம் அளித்தார். வேளாண்மை விற்பனை உதவி அலுவலர் பாலலிங்கேஸ்வரன் கலந்துகொண்டு இ-சந்தை, வேளாண் விற்பனை மற்றும் வேளாண் வணிகத்துறை திட்டங்கள் பற்றி விரிவாக கூறினார். மேலும், உதவி வேளாண்மை அலுவலர் சக்திவேல் கலந்து கொண்டு, உழவன்செயலி பதிவிறக்கம், பயன்பாடுகள் மற்றும் வேளாண்மை விரிவாக்க மையத்தில் இருப்பு வைக்கப்பட்டுள்ள வேளாண் இடுபொருள்கள் பற்றி விவசாயிகளுக்கு கூறினார். உதவி தோட்டக்கலை அலுவலர் கோகுல் கலந்துகொண்டு, துறை சார்ந்த மானிய திட்டங்கள் பற்றி கூறினார். இப்பயிற்சிக்கான ஏற்பாடுகளை, வட்டார தொழில்நுட்ப மேலாளர் திவாகர் மற்றும் உதவி தொழில்நுட்ப மேலாளர் வாசுகி ஆகியோர் செய்திருந்தனர். .