பேராவூரணியில் வாக்குச்சாவடி அலுவலர்களுக்கு பயிற்சி வகுப்பு 

தஞ்சாவூர் மாவட்டம் பேராவூரணி டாக்டர்.ஜே.ஸி.குமரப்பா செண்டினரி வித்யா மந்திர் மெட்ரிக், மேல்நிலைப்பள்ளியில், வாக்குச்சாவடி தலைமை அலுவலர்கள், இதர தேேர்தல் பணிபுரியும் அலுவலர்களுக்கான தேர்தல் பயிற்சி வகுப்புகள் நடந்தது. நாடாளுமன்றத் தேர்தலில், ஒவ்வொரு வாக்குச்சாவடியிலும் ஒரு வாக்குச்சாவடி அலுவலர், 3 வாக்குப்பதிவு அலுவலர்கள் பணியாற்ற உள்ளனர். இவர்களில் பெரும்பாலோர் ஆசிரியர்கள், அரசு ஊழியர்கள். இவர்களுக்கான பயிற்சி வகுப்புகள் 3 கட்டமாக நடக்க உள்ளது. முதற்கட்ட வகுப்பு பேராவூரணி சட்டசபை தொகுதிக்கான உதவி தேர்தல் நடத்தும் அலுவலரும், முத்திரைத்தாள் கட்டணம் தனித்துணை ஆட்சியருமான பூஷணகுமார் தலைமையில், வாக்குச்சாவடி அலுவலர்களுக்கு தேர்தல் பயிற்சி வகுப்புகள் நடைபெற்றது. இதில், வட்டாட்சியர் தெய்வானை, தேர்தல் துணை வட்டாட்சியர் பாலசுப்ரமணியன், தேர்தல் பிரிவு வருவாய் ஆய்வாளர் முருகேசன், வாக்குச் சாவடி அலுவலர்கள், வருவாய்துறையினர் மற்றும் பலர் கலந்து கொண்டனர்.