விருதுநகர் மாவட்ட தொழில் மையத்தில் பெண் தொழில் முனைவர்களுக்கான பயிற்சி வகுப்பு

விருதுநகர் மாவட்டத்தில் பெண் தொழில் முனைவோருக்கான வாழ்ந்து காட்டுவோம் திட்டம் சிவகாசி விருதுநகர் இராஜ பாளையம் காரியாபட்டி ஆகிய நான்கு வட்டாரங்களில் செயல்படுத்தப்பட்டு வருகிறது. இந்த நிலையில் வாழ்ந்து காட்டுவோம் திட்டத்தின் மூலம் மாவட்ட ஆட்சியர் அலுவலகத்தில் உள்ள மாவட்ட தொழில் மையத்தில் பெண் தொழில் முனைவோருக்கான ஒரு நாள் பயிற்சி பட்டறை நடைபெற்றது. இந்த பயிற்சி பட்டறை வகுப்பில் மாவட்டத்தின் பல்வேறு பகுதிகளில் இருந்து சுமார் 50-க்கும் மேற்பட்ட பெண் தொழில் முனைவோர் கலந்து கொண்டனர். இன்று நடைபெறும் ஒரு நாள் பயிற்சி வகுப்பில் புதிய தொழில் தொடங்குவதற்கான வழிகாட்டு முறைகள் மற்றும் பெண்கள் உற்பத்தி செய்யப்பட்ட பொருட்களை எவ்வாறு சந்தைப்படுத்துதல் உள்ளிட்டவை குறித்து இந்த பயிற்சி வகுப்பில் பயிற்சி அளிக்கப் படுகின்றன.