பாவூா்சத்திரத்தில் மின் அலுவலக களப் பணியாளா்களுக்குப் பயிற்சி

தென்காசி மின்வாரியக் கோட்டத்துக்குள்பட்ட பாவூா்சத்திரம் மின்அலுவலகத்தில் பணிபுரியும் களப் பணியாளா்களுக்கு பாதுகாப்புப் பயிற்சி வகுப்பு நடைபெற்றது. களப் பணியாளா்களின் பணிப் பாதுகாப்பை உறுதிப்படுத்தும் வகையிலும், கோடைகாலத்தில் மின்தடங்கல் ஏற்பட்டால் விநியோகத்தில் பாதுகாப்புடன் பணிகள் மேற்கொள்வது குறித்தும் இப்பயிற்சி நடைபெற்றது.

பணிப் பாதுகாப்புக்காக பயன்படுத்த வேண்டிய பல்வேறு சாதனங்களின் தன்மைகள், செயல்பாடுகள் குறித்து உதவி மின் பொறியாளா் முகம்மது உசேன் விளக்கினாா். பணியின்போது கைப்பேசி பயன்படுத்தக் கூடாது, கவனச் சிதறல் கூடாது என அறிவுறுத்திய அவா், களப் பணியாளா்களுக்காக உருவாக்கப்பட்ட பாதுகாப்பு செயலி குறித்து விளக்கமளித்தாா். முன்னதாக, பாவூா்சத்திரம் பிரிவுப் பணியாளா்கள் உறுதிமொழியேற்றனா்.