கலெக்டர் தலைமையில் அலுவலர்களுக்கு பயிற்சி

கள்ளக்குறிச்சி கலெக்டர் அலுவலக கூட்டரங்கில், வரும் லோக்சபா தேர்தலில் பணிபுரிய உள்ள மண்டல அலுவலர்களுக்கு பயிற்சி நடந்தது. மாவட்ட தேர்தல் அதிகாரி ஷ்ரவன்குமார் தலைமை தாங்கினார். கள்ளக்குறிச்சி மாவட்டத்திற்குட்பட்ட ரிஷிவந்தியம், சங்கராபுரம், கள்ளக்குறிச்சி ஆகிய சட்டசபை தொகுதிகளுக்கான 98 மண்டல அலுவலர்கள், உதவி தேர்தல் நடத்தும் அலுவலர்கள் ஆகியோருக்கு மின்னணு ஓட்டுப்பதிவு இயந்திரங்களை கையாள்வது. 85 வயதிற்கு மேற்பட்ட மூத்த வாக்காளர்கள் மற்றும் மாற்றுத்திறனாளி வாக்காளர்கள் தபால் ஓட்டுகளை கையாள்வது குறித்தும் பயிற்சி அளிக்கப்பட்டது.