கெங்கவல்லியில் மண்டல தேர்தல் குழு அலுவலர்களுக்கு பயிற்சி

சேலம் மாவட்டம் கெங்கவல்லி தாலுகா அலுவலகத்தில், கெங்கவல்லி சட்டமன்ற தொகுதி தேர்தல் மண்டல குழு அலுவலர்களுக்கான பயிற்சி வகுப்புநடைபெற்றது. உதவி தேர்தல் நடத்தும் அலுவலர் ராஜா, தலைமை வகித்தார். தாசில்தார் வெங்கடேசன் முன்னிலை வகித்தார்.

இதில் கெங்கவல்லி தொகுதிக்கு உட்பட்ட 264 வாக்குச்சாவடியில், முறையாக ஆய்வு மேற்கொண்டு, அங்கு மேற்கொள்ளும் பணிகள், முன்னேற்பாடுகள் குறித்து விரிவாக அறிக்கை வழங்குமாறு கேட்டுக்கொள்ளப்பட்டது. கூட்டத்தில் தலைவாசல் தாசில்தார் அன்புச்செழியன், கெங்கவல்லி தேர்தல் துணை தாசில்தார் உமா. பரசுராமன் மற்றும் தேர்தல் நடத்தும் அலுவலர்கள் கலந்து கொண்டனர்.