மின்மாற்றி காப்பர் வயர்,ஆயில் திருட்டு : பலே ஆசாமிகளுக்கு போலீஸ் வலை!

கீரனூரில் இருந்து புதுக்கோட்டை செல்லும் சாலையில் இளையாவயல் பஸ் நிறுத்தம் அருகே புதிதாக மின்மாற்றி அமைக்கப்பட்டுள்ளது. இந்த மின்மாற்றிலிருந்து அப்பகுதியில் உள்ள மூன்று விவசாய கிணறுகள் மற்றும் குடிசை மாற்று வாரிய குடியிருப்பு வீடுகளுக்கு தண்ணீர் சப்ளை செய்யும் மின் மோட்டார்களுக்கும் மின் இணைப்பு வழங்கப்பட்டுள்ளது.

இந்நிலையில் நேற்று முன்தினம் இரவு இந்த மின்மாற்றிக்கு வரும் மின் விநியோகத்தை மர்ம நபர்கள் துண்டித்து மின்கம்பத்திலிருந்து மின்மாற்றியை கீழே இறக்கி அதில் இருந்த காப்பர் வயர்கள் மற்றும் 145 லிட்டர் எண்ணெய் ஆகியவற்றை திருடி சென்றனர். இதன் மதிப்பு ரூபாய் ஒரு லட்சத்து 60 ஆயிரம் ஆகும். மின்விநியோகம் பாதிக்கப்பட்டதால் அப்பகுதி விவசாயிகள் வந்து பார்த்தபோது மின்மாற்றி வயலில் கிடந்ததை கண்ட அதிர்ச்சி அடைந்தனர்.

தகவல் அறிந்ததும் கீரனூர் மின்வாரிய உதவி செயற்பொறியாளர் ஜேம்ஸ் அலெக்சாண்டர் பார்வையிட்டு இது தொடர்பாக கீரனூர் போலீசில் புகார் அளித்தார். போலீசார் வழக்கு பதிந்து மரபு நபர்களை தேடி வருகின்றனர்.