கிரகப்பிரவேச வீட்டுக்கு சென்று பணம் கேட்டு பிரச்னையில் ஈடுபட்ட திருநங்கைகள் கைது

சென்னை அண்ணா நகரில் பி பிளாக், 8 வது தெருவில் வசித்து வரும் தொழிலதிபர் ஒருவரின் கிரேகபிரேவேச வீட்டிற்குள் புகுந்து சில திருநங்கைகள் பணம் கேட்டு தொந்தரவு செய்ததாக தெரிகிறது. தொழிலதிபர் ரூ.10 ஆயிரம் கொடுத்த நிலையில் ரூ.50 ஆயிரம் பணம் கேட்டு பிரச்சனையில் ஈடுபட்டதுடன் திடீரென விருந்தினர்கள் முன்னிலையில் தங்களது ஆடைகளை கலைந்து ஆபாசமாக நடந்து கொண்டதாக கூறப்படுகிறது. தகவலின் பெயரில் சம்பவ இடத்திற்குச் சென்ற அண்ணாநகர் போலீசார் அனைவரையும் கலைந்து செல்லும்படி கூறியும் போலீசாரை ஆபாசமாகவும் அநாகரிகமாகவும் திருநங்கைகள் பேசியதாக தெரிகிறது. பின்னர் அனைவரையும் காவல் நிலையம் அழைத்து வந்து விசாரணை மேற்கொண்ட போது அதில் சஞ்சனா என்பவர் உடலில் மண்ணெண்ணெய் ஊற்றி தற்கொலைக்கு முயன்றதால் பரபரப்பு ஏற்பட்டது. இந்த நிலையில் திருநங்கைகளான ரோஸி, லல்லி ஆகிய 2 திருநங்கைகளை போலீசார் கைது செய்துள்ளனர். சஞ்சனா, ஜெனிபர், சாரு ஆகிய மூன்று திருநங்கைகள் தப்பிச் சென்றனர். அவர்களை போலீசார் தேடி வருகின்றனர்.