புதிய பேருந்து வழிதடத்தை தொடங்கிவைத்த போக்குவரத்து துறை அமைச்சர்

அரியலூர் மாவட்டம், செந்துறை பேருந்து நிலையத்திலிருந்து புதிய பேருந்து வழிதடத்தினை தமிழக போக்குவரத்து துறை அமைச்சர் சிவசங்கர் தொடங்கி வைக்கும் நிகழ்ச்சி நடைப்பெற்றது. இதில் தமிழக போக்குவரத்து துறை அமைச்சர் சிவசங்கர் கலந்துகொண்டு புதிய பேருந்து வழிதடத்தினை கொடியசைத்து தொடங்கி வைத்து, பின்னர் சிறிதுதூரம் பேருந்தில் பயணம் செய்தார்.

மேலும், இந்த பேருந்து சேலத்திலிருந்து செந்துறைக்கு தினந்தோறும் காலை 04.26 மணிக்கு புறப்படும் என்றும், அதேபோன்று தினந்தோறும் காலை 09.35 மணிக்கு செந்துறையிலிருந்து ஆத்தூருக்கு புறப்படும் என தெரிவிக்கபட்டது. இதனால் குழுமூர், ஜெயங்கொண்டம் பிரிவு பகுதி பள்ளி, கல்லூரி மாணவ, மாணவிகள் மற்றும் பொதுமக்கள் பயனடைவார்கள் என போக்குவரத்து துறை அமைச்சர் தெரிவித்தார். இதில் தமிழ்நாடு அரசு போக்குவரத்து கழக அதிகாரிகள் உள்ளிட்ட அரசுதுறை அதிகாரிகள் பலர் கலந்து கொண்டனர்.