பரமத்திவேலூரில் கலைஞரின் உருவப்படத்திற்கு மாலை அணிவித்து மரியாதை

முன்னாள் முதல்வர் கலைஞர் கருணாநிதியின் 101 வது பிறந்த நாளை முன்னிட்டு தமிழகம் முழுவதும் திமுக சார்பில் அவருடைய உருவப்படத்திற்கும் சிலைகளுக்கும் மாலை அணிவித்து மரியாதை செலுத்தப்பட்டது. வேலூரில் நடைபெற்ற நிகழ்ச்சியில் நகரச் செயலாளர் முருகன் தலைமை தாங்கினார்.

மாவட்ட இளைஞர் அணி துணை அமைப்பாளர் சுந்தர், மாவட்ட நெசவாளர் அணி தலைவர் மூர்த்தி,பரமத்தி நகரச் செயலாளர் தன்ராஜ்,திமுக பிரமுகர் கண்ணன் ஆகியோர் முன்னிலை வகித்தனர்.

முன்னதாக கலைஞரின் திருவுருவப்படத்திற்கு மாலை அணிவித்து மரியாதை செலுத்தினர். பின்னர் பொதுமக்களுக்கு இனிப்புகளை வழங்கி விழாவினை சிறப்பித்தனர். நிகழ்ச்சியில் நகரம் ஒன்றியம் பேரூர் கழக நிர்வாகிகள் தொண்டர்கள் ஏராளமானோர் கலந்து கொண்டனர்.