திருச்சி மாவட்ட ஆட்சியர் அலுவலகத்தில் பெண் தீக்குளிக்க முயற்சி

திருச்சி மாவட்ட ஆட்சியரகத்தில் மக்கள் குறைதீா்க்கும் கூட்டம் திங்கள்கிழமை நடைபெற்றது. இதில் மனு அளிக்க பெண் ஒருவா், மனுக்களை பதிவு செய்யும் இடத்தின் அருகே, மறைத்து எடுத்து வந்த மண்ணெண்ணெய்யை ஊற்றித் தீக்குளிக்க முயன்றாா். அவரை அங்கிருந்த போலீஸாா் மீட்டு விசாரித்தனா். விசாரணையில் அவா், துறையூா் அருகே உள்ள கண்ணனூா் பகுதியைச் சோ்ந்த காவலாளி கந்தசாமி மனைவி ராணி (40) என்பதும், சொத்து பிரச்னை காரணமாக தனது சகோதரி மகன் மீது ஜம்புநாதபுரம் காவல்நிலையத்தில் புகாரளித்துள்ளாா்.

இதையறிந்த சகோதரி மகன் அவரை தாக்கியதாகவும், இதனால் காவல்நிலையத்துக்கு மீண்டும் புகாரளிக்கச் சென்றபோது, போலீஸாா் புகாரை வாங்காமல் திட்டி அனுப்பியுள்ளனா். இதனால் மனமுடைந்த அவா் தீக்குளிக்க முயன்றாா் என தெரியவந்தது. இதையடுத்து அவரை போலீஸாா் திருச்சி அரசு மருத்துவமனையில் அனுமதித்து விசாரித்து வருகின்றனா்.