லாரி கவிழ்ந்து விபத்து

தர்மபுரியில் இருந்து புதுக்கோட்டைக்கு 20 டன் மைதா மூட்டைகளுடன் லாரி நேற்று வந் துக்கொண்டிருந்தது. லாரியை சேலம் மாவட்டம் செவ்வாய்பேட்டையை சேர்ந்த பெரியண்ணன்(52) ஓட்டினார். திருச்சி - புதுக்கோட்டை தேசிய நெடுஞ்சாலையில் களமாவூர் தனியார் கல்லூரி அருகே வந்தபோது, எதிரே முந்தி செல்ல முயன்ற 2 பஸ்களுக்கு வழிவிடுவதற்காக டிரைவர் லாரியை இடதுபுறம் திருப்பினார்.

இதில் நிலைதடுமாறிய லாரி கட்டுப்பாட்டை இழந்து சாலையோரம் பள்ளத்தில் இறங்கி கவிழ்ந்தது. டிரைவர் பெரியண்ணன் தலையில் பலத்த காயத்துடன் புதுக்கோட்டை அரசு மருத்துவக்கல்லுாரி மருத்துவமனையில் சேர்க்கப்பட்டு சிகிச்சை பெற்று வருகிறார்.

விபத்து குறித்து கீரனூர் போலீசார் வழக்குப்பதிந்து விசாரணை நடத்தி வருகின்றனர்.