வ.உ.சி. துறைமுகத்தில் லாரிகள் ஸ்ட்ரைக்

மத்திய அரசு ஓட்டுனருக்கு எதிரான சட்டத்தை திரும்ப பெற வேண்டும், தூத்துக்குடி வ.உ.சி., துறைமுகததில் ஓட்டுனர்களுக்கான அடிப்படை வசதிகளை ஏற்படுத்திக் கொடுக்க வேண்டும் என்று வலியுறுத்தி தூத்துக்குடி வஉசி துறைமுகத்தில் ஏஐசிசிடியூ தொழிற்சங்கம் சார்பில் 2 நாள் வேலைநிறுத்த போராட்டத்தை தொடங்கினர். இப்போராட்டம் எதிரொலியாக டிரைவர்கள் பணிக்கு செல்லாததால் 500க்கும் மேற்பட்ட லாரிகள் துறைமுகம் கிரீன் கேட் முன்பாக நிறுத்தி வைக்கப்பட்டுள்ளது. 5ஆயிரத்திற்கும் மேற்பட்ட தொழிலாளர்கள் பாதிக்கப்பட்டுள்ளனர். துறைமுகத்தில் 4 கப்பல்கள் நிற்கிறது. டிரைவர்கள் வேலை நிறுத்தம் காரணமாக கப்பலில் ஏற்றுமதி இறக்குமதி பாதிக்கப்பட்டுள்ளது. மேலும், இன்று மாலை ஜனநாயக தரைவழிப் போக்குவரத்து ஓட்டுனர் மற்றும் பொதுத்தொழிலாளர் நலச்சங்கம் சார்பில் ஆர்ப்பாட்டம் நடைபெற உள்ளது.