தேர்தல் களத்தில் எங்களை நம்பி வாக்களியுங்கள்: பிரேமலதா

விருதுநகர் மாவட்டம், சாத்தூர் சட்டமன்ற தொகுதிக்கு உட்பட்ட பகுதிகளான ஆலங்குளம்,ஏழாயிரம்பண்ணை ஓ.மேட்டுப்பட்டி ஆகிய பல்வேறு பகுதிகளில் விருதுநகர் பாராளுமன்ற தொகுதிக்கு அதிமுக கூட்டணி கட்சி சார்பில் போட்டியிடும் தேமுதிக வேட்பாளர் விஜயபிரபாகரனை ஆதரித்து,

கொட்டும் முரசு சின்னத்திற்கு வாக்கு கேட்டு தேமுதிக பொதுச்செயலாளர் பிரேமலதா விஜயகாந்த் தீவிர பிரச்சாரத்தில் ஈடுபட்டார்.புரட்சி கலைஞர் கேப்டன் விஜயகாந்தின் மகன் விஜய பிரபாகரன் மண்ணின் மைந்தனாக உங்கள் வீட்டுப் பிள்ளையாக உங்கள் தொகுதியில் உங்களுக்காக சேவை செய்ய பாராளுமன்ற தொகுதி வேட்பாளராக களம் காண்கிறார்.

அவருக்கு கொட்டும் முரசு சின்னத்தில் வாக்களித்து வெற்றி பெற வைக்க வேண்டும் என்று பிரேமலதா கேட்டுக் கொண்டார்.விஜயகாந்த் எனது கணவர் பிறந்த சொந்த மண்ணான இந்த விருதுநகர் மாவட்டத்திலே மீண்டும் நாங்கள் குடும்பத்துடன் வந்திருந்து உங்கள் வீட்டு பிள்ளையாக உங்கள் வீட்டு மருமகளாக உங்களை நம்பி தேர்தல் களத்தில் நிற்கிறோம் நீங்கள் எங்களை நம்பி வாக்களிக்க வேண்டும் என்று கேட்டுக்கொண்டார்.