டிடிவி தினகரன் பிறந்த நாள் கபடி போட்டி - வெற்றி பெற்ற அணிக்குப் பரிசு

பெரம்பலூர் மாவட்ட அம்மா மக்கள் முன்னேற்றக் கழகத்தின் சார்பில் டிடிவி தினகரன் பிறந்த நாளை முன்னிட்டு, 3 நாட்கள், நடந்த கபடி போட்டியில், வெற்றி பெற்ற அணிக்கு பரிசளிப்பு விழா நிகழ்ச்சி நடைபெற்றது .

அம்மா மக்கள் முன்னேற்ற கழக பொதுச் செயலாளர் டிடிவி தினகரன் பிறந்தநாள் முன்னிட்டு, பெரம்பலூர் அமமுக மாவட்ட செயலாளர் கார்த்திகேயன்,தலைமை நிலைய செயலாளரும், திருச்சி வடக்கு மாவட்ட செயலாளர் ராஜசேகரன், ஆகியோர் தலைமையில், பெரம்பலூர் அடுத்துள்ள செஞ்சேரியில் உள்ள மைதானத்தில் கபாடி போட்டி நடைபெற்றது.

3 நாட்கள் நடந்த இந்த தொடர் கபடி போட்டியில் பெரம்பலூர் மாவட்டத்தைச் சேர்ந்த 60 கபடி அணியினர் கலந்து கொண்டு ஆர்வத்துடன் விளையாடினார்கள். இதில் இறுதியாக நடந்த போட்டியில் வெற்றி பெற்ற முதல் நான்கு கபடி அணியினர்க்கு பரிசுகள், மற்றும் கோப்பைகள் வழங்கப்பட்டன, அதன்படி தேர்வு செய்யப்பட்ட வேலூர் கிராமத்தைச் சேர்ந்த கபடி அணியினருக்கு முதல் பரிசு 30 ஆயிரம், சென்னை அணியினருக்கு இரண்டாம் பரிசு 25 ஆயிரம் , காரை கிராமத்தைச் சேர்ந்த அணியினருக்கு மூன்றாம் பரிசு 20 ஆயிரம், செஞ்சேரி கபடி அணியினருக்கு நான்காம் பரிசு 15 ஆயிரம் வழங்கப்பட்டது. பரிசுகளை மாவட்ட இளைஞர் பாசறை செயலாளர் ராம்குமார் நகர கழகச் செயலாளர் ஜீவானந்தம், மாவட்டக் கழக அவைத் தலைவர் மோகன், மாவட்ட அம்மா பேரவை செயலாளர், செந்துறை ஒன்றிய துணைத் தலைவர் மணிவேலன், பெரம்பலூர் ஒன்றிய கழகச் செயலாளர் முன்னாள் யூனியன் சேர்மன் ஜெயக்குமார் ஆகியோர் நிகழ்ச்சியில் கலந்து கொண்டு பரிசு மற்றும் வெற்றிக் கோப்பைகளை வழங்கி பராட்டு தெரிவித்னர். இந்நிகழ்ச்சியில் அமமுக மாவட்ட துணை செயலாளர் பீமா ரஞ்சித் குமார் வேப்பந்தட்டை சேகர், வேப்பூர் நாகராஜ், செந்துறை காரல் மார்க்ஸ், மாவட்ட எம்ஜிஆர் இளைஞர் அணி செயலாளர் அருண்குமார், மாவட்ட இலக்கிய அணி செயலாளர் இளவரசன், மாவட்ட தகவல் தொழில்நுட்ப பிரிவு செயலாளர் கலைவாணன், பொறியாளர் அணி செயலாளர் மதுபாலன், வழக்கறிஞர் பிரிவு துணைச் செயலாளர் நீதி ராஜா, விவசாயப் பிரிவு செயலாளர் கதிரேசன், குன்னம் சட்டமன்ற பொதுக்குழு உறுப்பினர் அருண்குமார், இளைஞர் அணி செயலாளர் மணிவேலன், மற்றும் அமமுக தொண்டர்கள் பலர் பங்கேற்றனர்.