வானூர் அருகே முயல்களை வேட்டையாடிய இரண்டு பேர் கைது

புதுவை தமிழக எல்லை பகுதியான வானூர் அடுத்த மொரட்டாண்டி அருகே இரண்டு பேர் துப்பாக்கிகளுடன் முயல்களை வேட்டையாடுவதாக வனத்துறைக்கு தகவல் வந்தது தகவலின் பெயரில் திண்டிவனம் வன சரக அலுவலர் புவனேஷ் தலைமையிலான வனவர் கோகுல லட்சுமி மற்றும் வனக்காப்பாளர் பிரபு மற்றும் வனத்துறையினர்,

அந்த பகுதியில் ரோந்து சென்றனர் அப்பொழுது துப்பாக்கியுடன் சுற்றிய இரண்டு பேரை பிடித்து விசாரணை செய்ததில் மொரட்டாண்டி காட்டுப்பகுதியில் முயல்களை வேட்டையாடி அதை விற்பனை செய்தது தெரிய வந்துள்ளது,

இதையடுத்து புதுச்சேரி மாநிலம் ஒதியம்பட்டு கே.வி நகர் பகுதியை சேர்ந்த செல்வராஜ் மகன் மணிமாறன் வயது 30, மற்றும் அதே பகுதியை சேர்ந்த தங்கராஜ் மகன் பார்த்திபன் வயது 30 ஆகிய இரண்டு பேரை கைது செய்து அவர்களிடம் இருந்த இரு சக்கர வாகனம் துப்பாக்கி மற்றும் வெடி பொருட்கள் ஆகியவை பறிமுதல் செய்து அவர்களை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.