திண்டுக்கல்லில் ஆட்டோவில் மது பாட்டில் கடத்திய இருவர் கைது

திண்டுக்கல் மதுவிலக்கு போலீஸ் துணை சூப்பிரண்டு சுந்தரபாண்டியன்,இன்ஸ்பெக்டர் புவனேஸ்வரி ஆகியோர் தலைமையில் சப்- இன்ஸ்பெக்டர் முத்துக்குமார்,ஏட்டு சீனிவாசன் ஆகியோர் சிறுமலை பிரிவு அருகே ரோந்து பணியில் ஈடுபட்டிருந்தனர்.

அப்போது அந்த வழியாக வந்த ஆட்டோவை நிறுத்தி போலீசார் சோதனை செய்தனர்.இதில், அந்த ஆட்டோவில் அட்டைப்பெட்டியில் வைத்து மதுபாட்டில்களை கடத்தி வந்தது தெரியவந்தது. இதையடுத்து ஆட்டோவில் வந்த 2 பேரை பிடித்து போலீசார் விசாரித்தனர். அதில், அவர்கள் தோட்டனூத்து மேட்டூர் பகுதியை சேர்ந்த முத்துச்சாமி (49),பிரபாகரன் (28) என்பது தெரியவந்தது.

இதையடுத்து அவர்கள் 2 பேரையும் போலீசார் கைது செய்தனர்.மேலும் அவர்களிடம் இருந்து ஆட்டோ மற்றும் அதில் கடத்தி வந்த 400 மதுபாட்டில்களை பறிமுதல் செய்யப்பட்டது.