ஆடுகளை திருடிய இருவர் கைது

கரூர் மாவட்டம் குப்பம் அருகே உள்ள காளிபாளையம் பகுதியை சேர்ந்தவர் குணசேகரன் வயது 46. இவரது வீட்டின் அருகே ஆடு பட்டி அமைத்து அதில் ஆடுகளை வளர்த்து வருகிறார். இந்நிலையில் மே ஒன்பதாம் தேதி அதிகாலை 2 மணி அளவில், இவர் பட்டியில் அடைத்து வைத்திருந்த ரூபாய் ஒரு லட்சத்து 50 ஆயிரம் மதிப்புள்ள இரண்டு ஆடுகளை நாமக்கல் மாவட்டத்தை சேர்ந்த இருவர் களவாடி உள்ளனர்.

இது தொடர்பாக குணசேகரன் அளித்த புகாரின் பேரில் சம்பவ இடத்திற்கு சென்று விசாரணை மேற்கொண்ட காவல்துறையினர், இது தொடர்பாக நாமக்கல் மாவட்டம், பரமத்தி வேலூர், கந்தநகர் பகுதியை சேர்ந்த பாரத் குமார் வயது 22 என்பவரையும், பரமத்தி வேலூர் நல்லு காலனி பகுதியைச் சேர்ந்த சந்துரு வயது 22 ஆகிய இருவரையும் கைது செய்து, களவாடிய இரண்டு ஆடுகளையும் மீட்டனர். மேலும், இது தொடர்பாக இருவர் மீதும் வழக்கு பதிவு செய்து நீதிமன்றத்தில் ஆஜர்படுத்தி சிறையில் அடைத்து நடவடிக்கை மேற்கொண்டனர் க.பரமத்தி காவல்துறையினர்.